User:Khadija elguejda
ⵉⴳⴰ ⵓⵊⵎⴰⴽ, ⵢⴰⵏ ⵖ ⵜⵥⵓⵕⵉⵡⵉⵏ ⵏ "ⵓⵃⵡⴰⵛ" ⵉⴳ ⵖ ⵜⵥⵓⵕⵉⵡⵉⵏ ⵏ ⵉⵎⵓⵔⵉⴳ ⵍⵍⵉ ⵙ ⵜⴰⵡⵙⴰⵏ ⵉⴷⵖⴰⵔⵏ ⵏ ⵉⵛⵜⵓⴽⵏ ⴰⵢⵜ ⴱⴰⵀⴰ, ⴰⵎ " ⴰⵢⵜⴱⴰⵀⴰ, ⴰⵢⵜ ⵎⵉⵍⴽ, ⴰⵢⵜ ⵡⴰⴷⵔⵉⵎ, ⴰⵢⵜ ⵚⵡⴰⴱ, ⵉⵛⵜⵓⴽⵏ " ⴷ ⵉⴷⵖⴰⵔⵏ ⵏ ⵓⵏⵣⵉ ⴷ ⵉⵔⵙⵎⵓⴽⵏ, ⵎⴰⵛ ⴰⵏⴰⵡ ⴰⴷ ⵏ ⵜⵥⵓⵕⵉ ⵉⵏⵖⵓⴱⴰ ⵓⵔ ⴱⴰⵀⵔⴰ ⵉⵍⵍⴰ ⵉⵖ ⵓⵔ ⵏⴰ ⵉⵙ ⴰⴽⴽⵯ ⵉⴷⵔⵓⵙ, ⵉⵜⴰⵡⵙⴰⵏ ⵓⵊⵎⴰⴽ ⵎⴰⵙⴷ ⵉⵎⴰⵔⵉⵔⵏ ⵏⵏⵙ ⵓⵔ ⴰⵔ ⵜⴰⵍⵍⵙⵏ ⵉ ⵜⵎⴷⵢⴰⵣⵉⵏ ⵏⵏⵙ ⵖ ⴽⵓ ⵜⴰⴼⵓⴳⵍⴰ, ⵜⵉⵎⴷⵢⴰⵣⵉⵏ ⴰⵏ ⴰⵔ ⵜⴳⴰⵏⵜ ⵜⵉⵏ ⵖⴰⵙ ⴰⵏ ⵍⵍⵉ ⵖ ⵜⵏⴷ ⵉⵙⴽⵔ ⵓⵎⴰⵔⵉⵔ ⵖ ⵜⵉⵣⵉ ⵢⴰⵏ, ⵉⴳ ⵓⵊⵎⴰⴽ ⵢⴰⵜ ⵜⵥⵓⵕⵉ ⵍⵍⵉ ⵖ ⴰⵔ ⵉⵙⵍⴽⴰⵎ ⵓⵎⴰⵔⵉⵔ ⴰⵢⵍⵍⵉ ⵢⵓⴹⵏ ⵖ ⵓⵍ ⵏⵏⵙ ⴷ ⵜⴰⵏⴰⵢⵉⵏ ⵏⵏⵙ ⴼ ⵜⴷⵍⵙⴰ ⴷ ⵜⵙⵔⵜⵉⵜ ⴷ ⵎⴰⴷ ⴰⴽⴽⵯ ⵉⴳⴰⵏ ⴰⵏⴰⵎⵓⵏ.
ⴰⵊⵎⴰⴽ ⵏⵜⵜⴰⵏ ⴰⵔ ⴳⵉⵙ ⵉⵜⵉⵍⵉ ⵜⵓⴳⵜ ⵏ ⵡⵉⵍⵍⵉ ⵉⵜⵓⵔⴰⵔⵏⵉⵏ, ⴰⵔ ⴰⵙⵏ ⵜⵉⵏⵉⵏ "ⵍⵄⵎⵜ" ⴰⵔ ⵜⴳⴰⵏ ⵓⴳⴰⵔ ⵏ 30 ⵏ ⵓⵔⴳⴰⵣ, ⵉⵍⵍⴰ ⵎⴰⴷ ⴳⵉⵙⵏ ⵉⵟⵟⴰⵎⵥⵏ ⵜⴰⵍⵓⵏⵜ ⵢⵉⵍⵉ ⵡⵉⵍⵍⵉ ⵉⵜⵓⵔⴰⵔⵏⵉⵏ ⴰⵔ ⵜⵏⵜⴰⴳⵏ ⴰⵔ ⵜⵛⵜⴰⵃⵏ ⵙ ⵜⵖⴰⵔⴰⵙⵜ ⵏ ⴰⵢⵜ ⵓⵊⵎⴰⴽ, ⵢⵉⵍⵉ ⴳⵉⵙⵏ ⵉⵎⴷⵢⴰⵣⵏ ⵡⵉⴷ ⴰⴷ ⵉⵜⵉⵏⵉⵏ ⵜⵉⵎⴷⵢⴰⵣⵉⵏ ⵍⵍⵉ ⵎⵓ ⵜⴰⵍⵍⵙⵏ ⴰⵢⵜ ⵓⵊⵎⴰⴽ.
ⴰⵔ ⵜⴷⴷⵓⵏ ⵖ ⵎⴰⴷ ⵉⵣⵔⵉⵏ ⵙ ⵢⴰⵏ ⵓⴷⵖⴰⵔ ⴰⵔ ⴰⵙ ⵜⵉⵏⵉⵏ "ⴰⵙⴰⵢⵙ" ⴰⵔ ⵏⵏ ⴳⵉⵙ ⵜⴰⴼⴰⵏ ⴰⴳⴷⵓⴷ ⴰⵔ ⵙⵉⵙ ⵏ ⵜⵇⵇⵍⵏ ⴰⴼⴰⴷ ⴰⴷ ⵙⵍⴷⵏ ⵉ ⵡⴰⵡⴰⵍⵉⵏ ⵏⵏⵙⵏ ⵏ ⵜⵎⴷⵢⴰⵣⵜ ⵥⵕⵏ ⴰⵡⴷ ⵜⴰⵖⴰⵔⴰⵙⵜ ⵍⵍⵉ ⵙⴰⵔ ⵚⵏⴹⴰⵕⵏ ⵜⴰⵍⵓⵏ, ⵢⵉⵍⵉ ⴰⵡⴷ ⵖ ⵓⴳⴷⵓⴷ ⴰⵏ ⴰⵢⵍⵍⵉ ⵎⵓ ⵜⵉⵏⵉⵏ "ⵉⵏⴼⵔⴰⵏ" ⵖⵡⵉⴷ ⵏⵜⵏⵉ ⴳⴰⵏ ⴰⵡⴷ ⵏⵜⵏⵉ ⵉⵎⴷⵢⴰⵣⵏ ⴰⵔ ⵙⵍⵉⴷⵏ ⴰⵔ ⴳⵡⵎⵔⵏ ⵜⵉⵣⴳⴰⵍⵉⵏ ⵏ ⵏ ⵉⵎⴷⵢⴰⵣⵏ ⵏ ⵓⵊⵎⴰⴽ.